Aallaqqaasiut

Saqqummersitami matumani pisortanit utaqqiisaagallartumik isertitanut taarsiissutaasunik ikiorsiissutinik pisartut aningaasallu tunniunneqartut annertussusaat naatsorsorneqarput.

 

Ikiorsiissutit isertitanut taarsiissutaasut pingaarnertut sammineqarput

Saqqummersitami isumaginninnikkut ikiorsiissutit, tamakkiisumik ilaannakortumilluunniit inuussutissarsiorluni isertitaqannginnermi tunniunneqartartut, sammineqarput. Ikiorsiissutit pineqartut suliffeqannginnermi, napparsimanermi allatigulluunniit isertitaqarunnaarnermi tunniunneqartarput. Ikiorsiissutit assigiinngitsut saqqummersitami sammineqartut tassaapput:

·         Pisortanit ikiorsiissutit

·         Suliffeqannginnermi, angerlartitaanermi napparsimanermilu suliffeqanngikkallarnermi ikiorsiissutit

·         Ernereernermi ullormusiat il.il.

 

Saqqummersitap ilusilersornera

Saqqummersitami aallarniutigineqarput utaqqiisaagallartumik isertitanut taarsiissutaasunik ikiorsiissutinik pisartut qanoq annertutiginerinik eqikkaanermik, ilaatigut ikiorsiissutinik pisartut amerlassusaat, aningaasat ikiorsiissutigineqartut amerlassusaat aammalu sumiiffinni najugaqarfinnut agguiataarnerannik imaqartumik.

 

Isertitanut taarsiissututitut ikiorsiissutaasartut assigiinngissitaarput. Inatsit tunngaviusoq ikiorserneqarnissamullu piumasaqaatit il.il. ikiorsiissutini pineqartuni ataasiakkaarlugit annertunerusumik nassuiarneqarput.

 

Naatsorsuutit kommunit nalunaarsuisarfiinit nalunaarsuutit atorlugit suliarineqarput: Nalunaarsuutit tunngaviusut, suliarineri periaatsimullu tunngasut naggasiullugit nassuiarneqarput.

 

2011-miit 2018-imut utaqqiisaagallartumik isertitanut taarsiissutaasunik ikiorsiissutinik pisartut matumani saqqummersinneqarput.

 

Kisitsisaataasivik

Kisitsisaataasivimmi isumaginninnermut tunngasut kisitsisitigut paasissutissaannik kommunikkaatumik, ikiorsiissutit suuneri, ukiut, suiaassuseq, ukioq naatsorsuutillu suuneri (ikiorsiissutinik pisartut amerlassusaat imaluunniit aningaasat amerlassusaat) malillugit aallertoqarsinnaavoq.